A NOSA RECEITA MÁXICA

Esta receita fíxose esperar e durante moitos días tivemos que buscar os ingredientes que precisabamos na tablet. Despois de moitas premisas e variadas opcións descubrimos que tiñamos que facer Piruletas de Outono, polo que decidimos poñernos mans á obra. A profe ía lendo os pasos da receita e nós fixémola ó completo. 

Primeiro troceamos o chocolate en cachiños pequenos para metelos nunha taza e botámoslle leite para que derretesen no microondas.

Mentres quentabamos a mestura, cada un pelou o seu plátano e cortouno en anaquiños.

Nuns pratos tivemos que esmagar cereais e, cando soou o microondas sacamos o chocolate e o leite e mesturámolo ben.

Repartimos chocolate para que todos lle chegasen, pinchamos un cachiño de plátano, mollámolo no chocolate e mergullámolo nos cereais (decidimos cambiar a opcións dos froitos secos por cereais, que nos gustan moito máis).



O resultado final aquí o tedes... chocolate por todas partes, barrigas cheas e roupa para ir directamente á lavadora (sentimos este último desastre).