31 de diciembre de 2017

PEQUENA DESPEDIDA

Ata aquí algunhas das cousas que fixemos en Vilachán durante este ano, agardamos que pasedes unhas boas festas e teñades un bo comezo de ano. 
A todos aqueles que compartides con nós este proceso só nos resta darvos as grazas; facedes que sexa máis sinxelo e enriquecedor. Grazas por lernos, por apoiarnos, por axudarnos a medrar e por estar sempre para nós. 


28 de diciembre de 2017

MASTERCHEF EN VILACHÁN!

Co ben que o pasamos todos cociñando, non podiamos despedir o ano en Vilachán sen facer unha receita... neste caso, chegaron as galletas. Pasámolo en grande e probamos a masa en tódalas suas fases (Sí, sí... de principio a fin).


27 de diciembre de 2017

DECORACIÓN INVERNAL!

O mes de decembro foi moi curto, pero iso non foi un impedimento para traballar e divertirnos ó grande. Nestes días estivemos ocupadísimos... Como estamos a traballar co triángulo, fixemos unhas estrelas moi chulas utilizando esta forma xeométrica.


23 de diciembre de 2017

CONVERTÉMONOS EN RENOS!

Sí, sí.. o que estades a escoitar; en decembro todo pode pasar e un día saímos da clase sendo verdadeiros renos... nesa xornada a profe leunos un conto dun reno e, na merenda, convertemos un queixiño nun reno. Precisamos queixo, un lacasito, pepitas de chocolate e galletas... con iso e imaxinación fixemos os nosos renos... ó final houbo quen cambiou de opinión e dixo que o seu era un touro.


22 de diciembre de 2017

E POR FIN CHEGOU...

Chegou decembro e con el empezaron a cambiar as cousas na aula.. O encargado da asamblea levaba un look especial.



18 de diciembre de 2017

A NOSA RECEITA MÁXICA

Esta receita fíxose esperar e durante moitos días tivemos que buscar os ingredientes que precisabamos na tablet. Despois de moitas premisas e variadas opcións descubrimos que tiñamos que facer Piruletas de Outono, polo que decidimos poñernos mans á obra. A profe ía lendo os pasos da receita e nós fixémola ó completo. 

Primeiro troceamos o chocolate en cachiños pequenos para metelos nunha taza e botámoslle leite para que derretesen no microondas.


17 de diciembre de 2017

UNHA NOVA HISTORIA!

En Vilachán decidimos facer unha obra de arte xigante... estivemos moi atarefados e aproveitamos cada pequeno momento para facer algunha parte da nosa obra. 

Empezamos polo ceo facendo nubes de algodón e un gran sol de sal... encántanos probar todo o que ben á clase (de forma literal o digo).


16 de diciembre de 2017

CHEGAN OS SENTIDOS!

Ademais das partes do corpo, un vídeo predispúxonos a coñecer os sentidos. Cada día foron chegando diferentes sentidos á clase e, para poder pasar as probas, tiñamos que pensar no sentido necesario a empregar.

Fixemos o retrato da nosa cara e, empregando o sentido da vista, observamos como quedaba en 3D; o noso debuxo saía do papel ca tablet!



15 de diciembre de 2017

NOMEAMOS AS PARTES DO NOSO CORPO!

Fai uns meses, en Vilachán, fixéronse moi populares varias cancións sobre as partes do corpo (cantabámolas despois do recreo para sacudir os kilos de area que viñan connosco antes de entrar na clase). Este interese levounos a crear a silueta do corpo e colocar sobre ela cartóns de papel nomeando as partes que estabamos a colocar... e, como o noso amigo, estaba moi apagado decidimos darlle algo de cor.