23 de abril de 2018

IMOS Á BIBLIOTECA DE VILACHÁN!

Hoxe, 23 de abril, festéxase o día do libro e, en Vilachán levamos tempo esperándoo pois tod@s saben que á profe encántanlle os contos... Que mellor maneira de festexar este día que acudindo a unha biblioteca. Por sorte, en Vilachán, temos unha biblioteca fermosa polo que, hoxe, fixemos a nosa primeira visita.

Cando chegamos á biblioteca, estaban alí os seus responsables e, moi amablemente, deixáronnos investigar todo o que teñen na biblioteca, preocupándose que de estiveramos ben. 
Nun primeiro momento miramos algúns contos e tamén probamos algúns xogos. A biblioteca é moi grande e teñen un montón de cousas; tanto para cativos como para maiores.




15 de abril de 2018

COMPARTIMOS XOGOS E XOGUETES!

Durante estes meses, chegaron a Vilachán un sinfín de xoguetes e xogos; estamos aprendendo a compartir non só as cousas que temos na clase senón tamén os nosos xoguetes da casa (que sempre é máis complexo). Neste tempo, coñecemos o xogo do "Doble" tendo que dicir que a persoa que o trouxo (X.) ten unha gran experiencia e gañou tanto a compañeiros como mestra...



1 de abril de 2018

SAÍDAS Ó HORTO!

Algo que nos gusta moito en Vilachán é saír ó horto cas botas de auga. Decidimos facer dúas pequenas plantacións durante o segundo trimestre. 
A primeiros de marzo, puxemos amorodos e, unhas cantas leitugas e cebolas. O que máis lles gustou foi poder sachar a terra ó seu antollo... o problema estivo en que non deixou de chover polo que prenderon todas as herbas que sachamos.



22 de marzo de 2018

IMOS Ó PARQUE DE BOLAS!

Xusto antes de marchar de vacacións de semana santa, fixemos unha excursión moi desexada a Indiana Bill. O parque de bolas era algo moi comentado nas asembleas da aula polo que o pasamos xenial na excursión. 
Houbo quen entrou disparado para subir por todos os tobogáns pero, inclusive os máis arriscados, chamaron pola profe para subir "ó tobogán dos maiores". 



21 de marzo de 2018

SAÍMOS DE EXCURSIÓN!

Fai uns días chegou, da man do noso encargado, un traballiño sobre unha das construcións históricas de Vilachán que forma parte do patrimonio do lugar.




8 de marzo de 2018

E DE MERENDA TEMOS... PINGÜÍNS!

Tal e como ledes, á merenda de Vilachán chegaron os pingüíns; pero non os de verdade, fixémolos nós na clase e gustáronnos moito.

Para poder comelos, buscamos que precisabamos cos códigos QR, pelamos un plátano, aproximámonos ó concepto de "metade" e cortamos o plátano cun coitelo, mollamos a punta en chocolate e colocámoslle pés, ollos e mesmo un nariz. 

1 de marzo de 2018

RECIBIMOS AGASALLOS!

A Vilachán chegaron uns xogos novos que nos fixeron moita ilusión. A Asociación de Nais e Pais do Cra deixounos escoller uns xogos para a escola de Vilachán, polo que quixemos ser o máis variados posibles.





27 de febrero de 2018

IMOS DE VIAXE!

Fai uns días estivemos de viaxe... sí, sí; fomos de excursión a Goián para ver un contacontos. Viñeron os nenos de Carregal e Taborda e, en Vilachán, subimos ó autobús. Os momentos no autobús foron os máis divertidos de todos.. e ibamos todos ben sentadiños! Mirade, mirade!!






21 de febrero de 2018

SEGUIMOS COÑECENDO OS XOGOS OLÍMPICOS!



Días despois de empezar a tratar os xogos olímpicos de inverno, outro deportista español facíase con outra medalla de bronce, era Javier Fernández na disciplina de patinaxe artístico sobre xeo. 
Nesta ocasión decidimos facer unha pista de xeo. Tivemos que rasgar papeis azuis e pegalos sobre a base dun prato e colocar algodón ó seu redor.